Gule Silalat Naiduda

Sakadar manaringoti pala get manggule silalat naiduda, porlu mai hita siapkon :

 1. Losung dot indaluna

2. Bulung nisilalat (jalaki naposo-poso nai dot na lambok bulung nai)

3. Arambir

4. Rimbang

5. Arias (pala adong attong bungo nai, so mur matabo)

6. Lasiak

7. Alas sacukupna

8. Habo (pala adong, pala ngadong baen joring, pala inda adong juo nangkon baen)

9. Ikan sale pangarotcana (tarlobi-lobi ihan limbat sanga lelan pola dapot garing)

10. Sira

11. Sangge-sangge

Cara pamasakna :

Kuhur manigor harambir sacukupna, poro santan nai masukkon tu kuali, masukkon muse lasiak nadung igiling dot alas nadung igiling, tuk-tuk tu panggilingan i sangge-sangge sanjongkal, pudun sakali, masukkon tu santannai, gaor ma palan.

Pagara api, baen tu ginjang niapi i, suru si butet manyaok-nyaokna so ulang hippal santannai.

Partarikkon bulung ni silalat sian ratting nai, ulang baen batang nai, capot non, kacuali ujung nai inda mahua.

Pipili rimbang, gotap-gotap arias, obanma tu pariki. Buka tutup ni losung, pala natukkap, patalak, pala nadung talak, pamasukma saotik bulung ni silalat i, gepu tu losungi (ni halak aso ulang muap losung).

Duda ma, ulang lupa mar Bismillah pala mandudana, naron tarduda ho patmu, hobaron jadina.

Pala mandudana ulang maradian, di dokkon natobang2 i radoi muap losung, sakali duda ma sudena bulung nisilalat i dot rimbang.

Arias nai ulang nalamot tu so adong non itcop-itcopon ni daganak, obanma tu bagas. Pala dung gur-gur sattan nai, masukkon ma bulung ni silalat nai duda i parjolo, pala get masakma, pamasuk pangarotcanai, ihan nadi sale i. Ulang lupa baen sirana, naron inda mardai sira mangamuk muse naron ayah di daganak

madung masak... adope, mangan ma hita da.... ulang lupa mar Bismillah, naron ngohanko tartolon ko holi-holi ni silalat i, heheheh duri ni ihan i do da maksudna.

Gule silalat naiduda on tahan mada  markisar 5 jom inda bari, pala bahat dope, copat pamilas so ulang bari da inaaaang. qeqeqeqeqe....